غاصب اسرائیل سے تعلقات، بحرین میں مظاہروں کا سلسلہ جاری

مناما: صیہونی حکومت سے تعلقات کی بحالی کے خلاف بحرینی عوام کے مظاہروں کا سلسلہ جاری ہے۔ بحرینی عوام آل خلیفہ حکومت کے صیہونی حکومت کے ساتھ تعلقات بحال کرنے کے خلاف مظاہرہ کر رہے ہیں۔ اسی سلسلے کا تازہ مظاہرہ ’سنابس‘ علاقے میں ہوا جس میں عوام نے صیہونی حکومت سے تعلقات کی بحالی کی مخالفت کے ساتھ ہی سبھی سیاسی قیدیوں کی غیر مشروط رہائی کا مطالبہ دہرایا۔
بحرینی عوام اپنے ہاتھوں میں ایسے پلے کارڈز لئے ہوئے تھے جس پر لکھا تھا ”تحریک جاری رہے گی۔“
قابل ذکر ہے کہ صیہونی وزیر خارجہ یائیر لپید اور بحرینی وزیر خارجہ عبداللطیف نے قریب تین ہفتے قبل منامہ میں صیہونی سفارتخانے کا افتتاح کیا تھا۔