Raza Musani 
سامرہ: عراق کے شہر سامرہ کے قریب زائرین کی دو بسوں میں تصادم کے نتیجے میں 18 افراد جاں بحق اور 15 زخمی ہوگئے، جن میں سے اکثر کا تعلق ایران سے ہے۔ شمالی صوبہ صلاح الدین کے ڈائریکٹر صحت خالد برہان نے بتایا کہ خوف ناک حادثہ دوجیل اور سامرہ کے درمیان پیش آیا۔ عینی شاہدین کا کہنا ہے کہ بظاہر ایک ڈرائیور بس چلاتے ہوئے سو گیا تھا اور اسی دوران زائرین کی بس مخالف سمت سے آنے والی بس سے ٹکرا گئی۔ جاں بحق زائرین میں 14 کا تعلق ایران سے ہے، دو افغانستان اور دیگر دو افراد کی شناخت تاحال نہیں ہوئی۔
