قلعہ عبد اللہ میں جھڑپ، 5 دہشت گرد ہلاک، 2 فوجی شہید

کوئٹہ : سیکیورٹی فورسز نے بلوچستان کے ضلع قلعہ عبد اللہ میں چیک پوسٹ پر حملے کی کوشش کو ناکام بنادیا، جھڑپ میں دو خودکش بمباروں سمیت 5 دہشت گردوں کو ہلاک کر دیا۔ فائرنگ کے تبادلے میں 2 فوجی جوان شہید ہو گئے۔ پاک فوج کے شعبہ تعلقات عامہ کے بیان میں بتایا گیا کہ 27 اور 28 جنوریکی درمیانی رات خارجی دہشت گردوں نے بلوچستان کے ضلع قلعہ عبد اللہ کے علاقے گلستان میں سیکیورٹی فورسز کی چوکی پرحملہ کرنے کی کوشش کی۔ آئی ایس پی آر کے مطابق سیکیورٹی فورسز نے چیک پوسٹ میں داخل ہونے کی کوشش کو مؤثر طریقے سے ناکام بنا دیا۔ جس کی وجہ سے دہشتگردوں نے بارود سے بھری گاڑی چوکی کی دیوار سے ٹکرا دی۔