Raza Musani 
پشاور : خیبر پختونخوا میں مختلف آپریشن کے دوران جھڑپوں میں انیس فوجی شہید ہوگئے جبکہ مقابلے میں پینتالیس دہشت گردمارے گئے۔ کارروائیاں باجوڑ۔ جنوبی وزیرستان اور لوئر دیر میں کی گئیں۔
آئی ایس پی آر کے مطابق لوئیر دیر کے علاقے لال قلعہ میں انٹیلی جنس بیسڈ آپریشن کے دوران دس خوارج مارے گئے۔ آپریشن کے دوران سات جوانوں نے جامِ شہادت بھی نوش کیا۔ باجوڑ میں بھی آپریشن کے دوران سیکیورٹی فورسز نے خوارج کے ٹھکانے کو نشانہ بنایا۔ شدید فائرنگ کے تبادلے میں بائیس دہشت گرد ہلاک ہوگئے۔ جنوبی وزیرستان میں بھی مقابلہ ہوا، جہاں سیکیورٹی فورسز نے تیرہ خوارج کو انجام تک پہنچا دیا۔ لڑائی میں پاک فوج کے بارہ جوانوں نے دلیری سے لڑتے ہوئے جامِ شہادت نوش کیا ۔ دہشت گردوں سے اسلحہ اور بارود بھی برآمد ہوا۔
