Raza Musani 
پاراچنار: خیبر پختونخوا کے ضلع کرم میں گیارہویں روز بھی جھڑپیں جاری ہیں جن میں مزید 6 افراد شہید اور 8 زخمی ہوگئے جس کے نتیجے میں اموات کی تعداد 130 ہوگئی ہے جبکہ 186 افراد زخمی ہیں۔ کشیدگی کے باعث پشاور پاراچنار مرکزی شاہراہ سمیت آمد و رفت کے راستے بند ہیں۔ ضلع کرم کی مرکزی شاہراہ اور پاک افغان خرلاچی بارڈر پر بھی آمد و رفت بند ہے۔ شاہراہوں کی بندش سے تیل، اشیائے خورونوش اور ادویات کی شدید قلت پیدا ہوگئی ہے۔ ڈپٹی کمشنر جاوید اللّٰہ محسود کے مطابق لوئر کرم کے مختلف مقامات پر پولیس اور سیکیورٹی فورسز کے دستے تعینات ہیں۔ ان کا کہنا ہے کہ باقی علاقوں میں بھی آج فائر بندی کی بھرپور کوشش کی جائے گی۔
