Raza Musani 
بیجنگ : چین میں قومی صحت عامہ کمیشن کے نائب سربراہ زنگ ای شین نے کورونا سے متعلق امریکی انٹیلی جنس اداروں کی رپورٹ کو ستم ظریفی قرار دیتے ہوئے کہا ہےکہ پیشہ ور طبی ادارے کے بجائے انٹیلی جنس ایجنسی کے وائرس کے ماخذ پر رپورٹ جاری کرنا اپنے آپ میں ایک ستم ظریفی ہے جس سے نمایاں طور پر ظاہر ہوتا ہے کہ کون وائرس کے ماخذ کو سیاسی رنگ دے رہا ہے، وائرس کے ماخذ کی تلاش ایک سائنسی مسئلہ ہے، یہ سیاسی مسئلہ نہیں، انہوں نے کہا چینی حکومت ہمیشہ سائنسی طریقے سے وائرس کے ماخذ کی تلاش کی حمایت کرتی ہے لیکن اسے سیاسی بنانے کی مخالفت کرتی ہے۔
