Raza Musani 
بیجنگ: چین نے امریکا کی جانب سے ایران اور روس سے تیل کی خریداری نہ کرنے کا مطالبہ مسترد کردیا۔ چینی وزارت خارجہ کا کہنا ہے کہ چین توانائی کی سپلائی کو ان ذرائع سے یقینی بنائے گا جو قومی مفاد کے مطابق ہو۔ بیان میں کہاگیا ہےکہ دباؤ اور زبردستی سے کچھ حاصل نہیں ہو گا، چین مضبوطی سے اپنی خودمختاری، سلامتی اور مفادات کا دفاع کرے گا۔
امریکی وزیر خزانہ اسکاٹ بیسینٹ نے صحافیوں کو بتایا کہ جب روسی تیل کی خریداری کی بات آتی ہے تو چینی اپنی خودمختاری کو بہت سنجیدگی سے لیتے ہیں۔ ان کے مطابق ہم ان کی خودمختاری کی راہ میں رکاوٹ نہیں ڈالنا چاہتے، اس لیے وہ 100 فیصد ٹیرف ادا کرنا پسند کریں گے۔
