Raza Musani 
غزہ : جنگ میں سات روزہ وقفے کے بعد غاصب اسرائیلی فوج نے غزہ پر دوبارہ حملے شروع کردئے۔ صیہونی جنگی طیاروں اور ڈرونز نے غزہ شہر ۔ خان یونس اور دیرث مقامات پر بم برسائے۔ جبکہ حماس نے بھی اسرائیل پر کئی راکٹ داغ دئے۔ اسرائیلی فوج نے حماس پر معاہدے کی خلاف ورزی کا الزام لگایا ہے اور کہا کہ شمالی غزہ میں حماس کے ٹھکانوں پر حملے کئے جارہے ہیں۔ ادھر مغربی غزہ میں صیہونی فوجیوں اور مزاحمت کاروں میں شدید جھڑپیں ہورہی ہیں۔ صیہونی فوج البریج اور نصیرت کیمپ کے اطراف گولہ باری کررہی ہیں۔
اس سے قبل جنگ بندی معاہدے کے ساتویں اور آخری روز حماس نے آٹھ اسرائیلی یرغمالیوں اور اسرائیل نے 30 فلسطینی قیدیوں کو رہا کیا۔ رہائی پانیوالوں میں دو فرانسیسی خواتین بھی شامل ہیں۔ سات روز میں حماس نے 110 یرغمالیوں کو آزاد کیا جبکہ اسرائیلی جیلوں سے 240 فلسطینی خواتین اور بچوں کو رہائی ملی۔
