کینیڈا: چاقو حملے میں ملوث مشتبہ شخص کی لاش برآمد، دوسرا مفرور

اوٹاوا : کینیڈا کی پولیس نے کہا ہے وسطی صوبے ساسکچیوان میں چاقو کے حملے کا ایک ملزم مردہ حالت میں پایا گیا ہے۔ 31 سال کے ڈیمین سینڈرسن کی لاش جیمز کری نیشن میں ملی، جہاں سے کئی مقتولین کا تعلق تھا پولیس کے مطابق اس حملے میں ملوث دو مشتبہ افراد، ڈیمین سینڈرسن اور مائیلس سینڈرسن، بھائی ہیں اور مائیلس سینڈرسن اب تک فرار ہیں جن کے بارے میں گمان کیا جا رہا ہے کہ وہ ریجینا شہر میں کہیں ہیں۔ اتوار کو 13 مقامات پر چاقو سے حملوں میں 10 افراد کو موت کے گھاٹ اتار دیا گیا تھا۔ اس وقت کینیڈا کے تین صوبوں کی پولیس کے افسران، ساسکچیوان، مانیٹوبا اور البرٹا، مشتبہ ملزم کو ڈھونڈنے کی کوشش میں سرگرم ہیں۔