Raza Musani 
جنیوا : اقوام متحدہ کے عالمی غذائی پروگرام نے شمالی، وسطی اور جنوبی غزہ کے رہائشیوں کو امداد پہنچانے کے لیے مزید محفوظ راستوں کو فوری طور پر کھولنے کا مطالبہ کیا ہے۔سوشل میڈیا ایکس پر ایک پوسٹ میں ڈبلیو ایف پی نے اس بات پر زور دیا کہ انسانی امداد کو ضرورت مندوں تک بغیر کسی رکاوٹ یا خطرے کے پہنچنے کی اجازت ہونی چاہیے۔ ایجنسی نے غزہ میں مستقل جنگ بندی کے لیے اپنی اپیل کا اعادہ کرتے ہوئے محصور پٹی میں بڑھتی ہوئی انسانی تباہی کے خطرات سے خبردار کیا۔ بیان میں کہاگیا ہے کہ غزہ میں ہر تین میں سے ایک شخص کئی دنوں سے بغیر خوراک کے رہ رہا ہے جو کہ آبادی میں بھوک اور محرومی کی شدید سطح کو اجاگر کرتا ہے۔ بیان میں کہاگیا ہے کہ سیکیورٹی کے بگڑتے حالات، محدود رسائی اور غزہ میں کمیونٹیز کی بڑھتی ہوئی مایوسی کے باوجود وہ زندگی بچانے والی خوراک کی امداد کی فراہمی جاری رکھے ہوئے ہے۔
