Raza Musani 
برسلز : یورپی یونین کے 9 ممالک نے یورپی کمیشن سے مغربی کنارے میں قائم اسرائیلی بستیوں کے ساتھ تجارت ختم کرنے کے لیے تجاویز پیش کرنے کا مطالبہ کردیا ہے۔ یورپی یونین کے 9 ممالک نے یہ خط یورپی یونین کی خارجہ پالیسی کی سربراہ کاجا کیلس کے نام لکھا ہے، جس پر بیلجیم، فن لینڈ، آئرلینڈ، لکسمبرگ، پولینڈ، پرتگال، سلووینیا، اسپین اور سویڈن کے وزرائے خارجہ نے دستخط کیے ہیں۔ اپنے خط میں وزرائے خارجہ نے جولائی 2024 میں جاری ہونے والے بین الاقوامی عدالت انصاف کے مشاورتی فیصلے کا حوالہ دیا جس میں کہا گیا تھا کہ فلسطینی علاقوں پر اسرائیل کا قبضہ اور وہاں کی بستیوں کا قیام غیر قانونی ہے۔
وزرائے خارجہ نے مزید کہا کہ ہم چاہتے ہیں کہ یورپی کمیشن ایسے ٹھوس اقدامات کے لیے تجاویز تیار کرے، تاکہ عدالت کی جانب سے واضح کی گئی ذمہ داریوں پر یورپی یونین عملدرآمد کر سکے۔
