امدادی مرکز پر وحشیانہ قتل عام اور فضائی حملے، 132 فلسطینی شہید ، بھوک سے 18 شہادتیں

غزہ: صیہونی فوج نے غزہ میں امدادی مرکز اب تک کا سب سے بڑا قتل عام کیا ہے۔ بانوے امداد کے متلاشیوں سمیت ایک سو بتیس فلسطینی شہید اور درجنوں زخمی ہوگئے۔ بھوک نے اٹھارہ افراد کی جان لے لی۔
صیہونی فوج نے شمالی غزہ کی زيكيم راہداری کے قریب امداد کے متلاشیوں کو اندھا دھند فائرنگ کا نشانہ بنایا۔ گولیاں لگنے سے درجنوں افراد زخمی ہوکر زمین پر گرپڑے۔ جبکہ ہر طرف لاشیں بکھر گئیں۔ صیہونی فوج نے غزہ کے مختلف علاقوں پر زمینی اور فضائی حملے بھی جاری رکھے۔ چوبیس گھنٹوں میں ایک سو بتیس فلسطینی شہید اور درجنوں زخمی ہوگئے۔
ادھر حماس کے عسکری ونگ القسام بریگیڈز نے شمالی غزہ میں اسرائیلی فوج پرحملوں کی نئی ویڈیو جاری کر دی۔ یہ حملے القدس بریگیڈ اور مجاہدین بریگیڈ کے تعاون سے مشترکہ طور پر کئے گئے۔ حملے میں متعدد اسرائیلی فوجی ہلاک اور زخمی ہوئے جبکہ کئی گاڑیوں کو نقصان پہنچا۔
فلسطینی وزارت صحت کا کہنا ہےکہ بھوک نے ایک دن میں اٹھارہ فلسطینیوں کی جان لے لی۔
زیادہ تر اموات بچوں کی ہوئی ہیں۔ اب بھی ہزاروں بچے موت کے دہانے پر کھڑے ہیں۔