غزہ پر وحشیانہ حملے، مزید 40 فلسطینی شہید، متعدد زخمی

غزہ: غزہ پر اسرائیلی فوج کے وحشیانہ حملوں کا سلسلہ جاری ہے۔ صیہونی حملوں میں مزید چالیس افراد شہید اور کئی زخمی ہوگئے۔ لڑائی میں میجر سمیت تین صیہونی فوجی بھی مارے گئے۔ جنگی طیاروں نے رات بھر جبالیہ ۔ خان یونس۔ المغازی۔ غزہ شہر۔ رفح اور دوسرے علاقوں پر بم برسائے۔ رفح میں ایک مکان کو میزائل سے اڑا دیا گیا جس سے 9 افراد شہید ہوئے۔
المغازی میں بمباری سے عمارت تباہ ہوگئی اور ایک خاندان کے 22 افراد لقمہ اجل بن گئے۔ خان یونس اور جبالیہ میں بھی شہادتیں ہوئیں۔ ادھر خان یونس اور شمالی بیت لاہیہ میں مزاحمت کاروں اور صیہونی فوج میں شدید لڑائی جاری ہے۔ القسام بریگیڈز کا کہنا ہے کہ اسرائیلی فوج کی 23 گاڑیاں مکمل یا جزوی تباہ کردیں۔ چھ فوجی ہلاک و زخمی ہوئے۔ لڑائی میں ریزرو فوج کے میجر سمیت تین فوجی مارے گئے۔ صیہونی فوج نے مقبوضہ مغربی کنارے میں بلاطہ۔ نابلوس ۔ بیاد اور تمون پر دھاوا بول دیا۔ کارروائی کے دوران دو بچوں سمیت چار فلسطینی شہید اور کئی زخمی ہوگئے.