Raza Musani 
لندن : برطانیہ کے جنگ روکنے کی ظاہری اپیلوں کے برعکس رواں سال جون میں اسرائیل کو اسلحے کی برآمدات تاریخ کی بلند ترین سطح پر پہنچ گئیں۔ جبکہ ستمبر دوسرا بڑا مہینہ رہا۔ ترک نیوز ایجنسی اندولو کے مطابق لیبر حکومت نے اسرائیل کیلئے اسلحہ برآمدات کے کچھ لائسنس جزوی طور پر معطل کئے تھے تاہم تین سو سے زائد لائسنس اب بھی فعال ہیں۔
رپورٹ کے مطابق جون میں صرف ایک ماہ کے دوران اسرائیل کو 4 لاکھ 8 ہزار پاؤنڈ مالیت کے ہتھیار بھیجے گئے۔ اگست میں ڈیڑھ لاکھ پاؤنڈ کی ایک لاکھ سے زائد گولیاں اسرائیل کو برآمد کی گئیں۔ رپورٹ کے مطابق ایف-35 طیاروں کے پرزہ جات جیسے اہم اجزا بھی برآمد کیے جا رہے ہیں۔
انسانی حقوق کے گروہوں نے اس پالیسی کو سخت تنقید کا نشانہ بنایا ہے۔
