برطانیہ نے بیلفور اعلامیہ کے ذریعے فلسطین میں تباہی کا بیج بویا، نمائندہ اقوام متحدہ

لندن : اقوام متحدہ کی خصوصی نمائندے فرانسسکا البانیز نے کہا ہے کہ غزہ کا ظلم سات سو دن پہلے شروع نہیں ہوا۔ فلسطینی عوام ایک صدی سے ایک سفاک نو آبادیاتی منصوبے کے بوجھ تلے زندگی گزار رہے ہیں۔ انہوں نے کہا کہ برطانیہ نے بیلفور اعلامیہ کے ذریعے تباہی کا بیج بویا۔ ایک ایسی زمین دینے کا وعدہ کیا جو کبھی ان کی ملکیت نہیں تھی۔ یورپ نے نسل پرستی کے ذریعے مسلط کردہ قبضے کو سلامتی کے نام پر تحفظ فراہم کیا۔
انہوں نے کہا کہ فلسطینی عوام کا یہودیوں کے خلاف یورپی جرائم سے نہ اُس وقت کوئی واسطہ تھا اور نہ آج ہے۔ لیکن آج بھی فلسطینی مصائب سہہ رہے ہیں جبکہ ہماری حکومتیں یا تو آنکھیں بند کیے ہوئے ہیں یا پھر شریکِ جرم ہیں۔