رفح اور خان یونس میں کشتیوں سے بمباری، 55 فلسطینی شہید

غزہ: رفح اور خان یونس میں اسرائیلی فوجی کشتیوں سے بمباری میں 55 فلسطینی شہید اور درجنوں زخمی ہوگئے۔ اسرائیلی فوج نے جنوبی غزہ کی پٹی کے سب سے بڑا شہر خان یونس کے مشرق میں معن کے علاقے پر بمباری کی۔ اسرائیلی کشتیوں نے بھی بحیرہ رفح میں شدید بمباری کا آغاز کیا۔
صیہونی فوج نے شہریوں کو خان یونس کے ایک بڑے علاقے کو خالی کرنے کے احکامات جاری کیے ہیں جہاں ایک لاکھ 40 ہزار متاثرین مختلف پناہ گاہوں میں پناہ لیے ہوئے ہیں۔
دوسری جانب اسرائیلی فوج کے مطابق غزہ میں حماس کی جانب سے شدید مزاحمت کا سامنا ہے۔ چند گھنٹوں میں حماس کی حملوں میں ہلاک فوجیوں کی تعداد اکتیس سے بڑھ گئی ہے۔ فوجیوں کی لاشیں غزہ سے تل ابیب منتقل کردی گئی ہیں۔اسرائیلی فوج کے مطابق حماس کی جانب سے چھاپہ مار کارروائیوں اور سرنگوں سے ہونے والے حملوں سے نمٹنے کے لیے مزید اقدامات کیے گئے ہیں۔
ادھر رفح کے علاقے میں علی مسجد پر حملے میں ایک ہی خاندان کے گیارہ افراد شہید ہوگئے۔ حملے میں مسجد بھی مکمل طور پر شہید ہوگئی۔