Raza Musani 
انقرہ: برطانوی صحافی نے مغربی میڈیا پر جانبداری کا الزام لگادیا ۔ ہیری فیر کہتے ہیں اسرائیلیوں کے ساتھ پیش آئے واقعات بڑھا چڑھا کر پیش کئیے جارہے ہیں۔ جبکہ فلسطینیوں کے مصائب نظر انداز کئیے جارہے ہیں ۔ ترک میڈیا سے گفتگو میں ہیری فیر نے کہاکہ غزہ کے معاملے پر مغربی میڈیا کی رپورٹنگ متعصبانہ ہے۔ انہوں نے مغربی میڈیا کے انداز بیاں کو تنقید کا نشانہ بنایا۔ ہیری فئیر کہتے ہیں انتقام کی خاطر غزہ کو خون میں نہلایا جارہا ہے۔ ایسے میں مغربی میڈیا کی توجہ کا مرکز اسرائیل کے واقعات ہیں جبکہ غزہ میں شہریوں خصوصاً بچوں کی اموات سے چشم پوشی کی جارہی ہے ۔ بی بی سی سمیت کئی ادارے غزہ میں مارے جانے والوں کیلئے مرگئے جبکہ اسرائیل میں مرنے والوں کےلئے مقتول کی اصطلاح استعمال کرتا ہے جو اسرائیلی موقف کا عکاس ہے۔ مغربی میڈیا کی ساری توجہ موجودہ واقعات پر ہے جبکہ غزہ پر سالوں سے جاری محاصرے اور مظالم کا کوئی ذکر نہیں۔ ہیری نے اسرائیلی میڈیا کے اس دعوے کو بھی بے بنیاد قرار دیا جو حماس کے ہاتھوں 40 اسرائیلی بچوں کے سر قلم کرنے سے متعلق ہے۔
