Raza Musani 
بصرہ : عراق کے جنوبی شہر بصرہ سے، کربلائے معلیٰ کی جانب سے سب سے بڑے سالانہ اربعین مارچ کا آغاز ہو گیا۔ بصرہ میں نہر سے قتل گاہ تک کے عنوان سے خصوصی پروگرام منعقد کیا گیا جس میں ہزاروں افراد شریک ہوئے۔ جس کے بعد ہزاروں زائرین نے پیدل کربلا کا سفر شروع کردیا۔ مارچ کے شرکا فاؤ کی بندرگاہ سے 600 کلومیٹر کا فاصلہ طے کر کے شہدائے کربلا کے چہلم کے دن کربلا میں داخل ہوں گے۔ عراق کے دوسرے شہروں سے بھی لاکھوں عراقیوں نے کربلائے معلیٰ کی جانب پیدل سفر کا آغاز کردیا ہے۔ اس موقع سیکیورٹی کے کڑے انتظامات کیے گئے ہیں۔ ہیلی کاپٹروں، ڈرون طیاروں اور تھرمل کیمروں کے ذریعے مارچ کے راستوں کی نگرانی کی جا رہی ہے۔
