ایران میں موٹرولا کے موبائل فون کے استعمال اور خرید وفروخت پر پابندی

تہران: ایران نے اپنے ملک میں شہریوں پر موبائل ساز معروف کمپنی موٹرولا کے موبائل فون کے استعمال اور خرید وفروخت پر پابندی عائد کر دی ہے۔ روسی میڈیا کے مطابق ایران نے یہ فیصلہ حالیہ اسرائیلی پیجر دھماکوں کے بعد کیا ہے اور ایرانی وزیر محمد مہدی برداران کے مطابق حکومت نے موٹرولا موبائل فونز کی درآمد، خرید وفروخت اور استعمال پر مکمل پابندی عائد کر دی ہے۔ رپورٹ کے مطابق ایرانی وزیر محمد مہدی برادران نے کہا کہ ایران کی حدود میں موٹرولا فون ڈیوائسز کی فروخت بھی روک دی گئی ہے۔ اس سے قبل ایران نے اپنی تمام پروازوں میں پیجر اور واکی ٹاکی ساتھ رکھنے اور استعمال پر پابندی عائد کر دی تھی۔