غزہ میں امداد پہنچانے پر پابندی بچوں کیلئے سزائے موت کے مترادف ہے، یونیسیف

جنیوا: اقوام متحدہ کے ادارہ برائے اطفال یونیسیف نے غزہ میں امداد پہنچانے پر پابندی کو بچوں کیلئے سزائے موت کے مترادف قرار دیا۔ ریجنل ڈائریکٹر برائے یونیسیف عدیل خضر نے کہا کہ غزہ کی پٹی بچوں کے لیے دُنیا کی سب سے خطرناک جگہ ہے۔ جہاں روزانہ درجنوں بچے ہلاک اور زخمی ہوتے ہیں۔ پورے محلے، جہاں بچے کھیلتے اور اسکول جاتے تھے اب ملبے کے ڈھیر میں تبدیل ہو چکے ہیں۔ انہوں نے کہا کہ یونیسیف اور دیگر انسانی ہمدردی کے ادارے ہفتوں سے خطرے کی گھنٹی بجا رہے ہیں، کیونکہ زمین پر تنظیم کی ٹیم نے ان بچوں سے ملاقات کی جو اعضاء کھو چکے تھے۔ بعض کا پورا جسم یا آھاد جسم جھلس چکا ہے۔ بے شمار بچوں کے والدین بمباری میں مارے جا چکے ہیں۔ انہوں نےکہاکہ دس لاکھ بچوں کو زبردستی ان کے گھروں سے بے گھر کر دیا گیا ہے۔ انہیں اب پانی، خوراک یا تحفظ کے بغیر چھوٹے، پرہجوم علاقوں میں مزید جنوب کی طرف دھکیلا جا رہا ہے۔ انہوں نے کہاکہ غزہ کی پٹی تک اور اس کے ذریعے جان بچانے والی امداد پہنچانے پر عائد پابندیاں اور چیلنجز بچوں کے لیے ایک اور سزائے موت ہیں۔