Raza Musani 
لاہور : پاکستان کے سابق وزیراعظم کی ضمانتیں منسوخ ہونے سے ان کی فوری رہائی کے امکانات معدوم ہوگئے۔ لاہور میں انسداد دہشت گردی عدالت نے نو مئی کو عسکری تنصیبات پر حملے اور جلاؤ گھیراؤ کے سات مقدمات میں عبوری ضمانت کی درخواستیں مسترد کردیں۔ عدالت نے ملزم کی عبوری ضمانت کی درخواستیں عدم پیروی کی بنیاد پر درخواستیں خارج کیں۔ ادھر احتساب عدالت نے سابق وزیراعظم کی 190 ملین پاؤنڈ کے القادر ٹرسٹ اور توشہ خانہ کیسز میں ضمانت قبل از گرفتاری کی درخواستیں بھی خارج کردیں۔ ضمانتوں کی منسوخی کے بعد عمران خان کی جلد رہائی کے امکانات معدوم ہوتے دکھائی دے رہے ہیں۔
