Raza Musani 
قاہرہ : مصر کے شورش زدہ علاقے جزیرہ نما سینا سے متصل نہرسویز زون میں دہشت گردی کے حملے میں 11 فوجی ہلاک اور 5زخمی ہو گئے۔ سیکیورٹی فورسز اب دہشت گردوں کا پیچھا کررہی ہیں اور انھیں سیناء کے ایک الگ تھلگ علاقے میں محصور کرنے کی کوشش کررہی ہیں۔ مصری فوج نے بتایا کہ فوجیوں نے انتہا پسندوں کی سرگرمیوں کے مرکزی علاقے میں ان کے دہشت گردی کے حملے کو ناکام بنانے کی کوشش کی تھی لیکن وہ خود اس میں کام آگئے ہیں۔ مصری فوج اسرائیل اور غزہ کی سرحد کے ساتھ واقع سیناء اور اس سے ملحقہ علاقوں میں ایک طویل عرصے سے داعش اور دوسرے جنگجو گروپوں کے خلاف نبردآزما ہے۔
