Raza Musani 
تہران : ایران کے شہر زاہدان میں عدالتی کمپاؤنڈ پر حملے میں چھ افراد شہید اور بائیس زخمی ہوگئے۔ جوابی کارروائی میں تینوں دہشت گرد مارے گئے۔ رپورٹ کے مطابق تین دہشت گردوں نے عدالتی کمپاؤنڈ میں گھسنے کی کوشش کی جہاں دروازے پر موجود سیکورٹی اہلکاروں سے فائرنگ کا تبادلہ ہوا۔ فائرنگ کے تبادلہ میں تین سیکورٹی اہلکار شہید ہوگئے جبکہ جوابی فائرنگ سے تین دہشت گرد مارے گئے۔ ایک دہشت گرد کی جانب سے پھینکا گیا دستی بم پھٹنے سے خاتون اس کا کمسن بیٹا اور ایک شہری شہید ہوئے۔
حملے کی ذمہ داری کالعدم دہشت گرد تنظیم جیش العدل نے قبول کرلی ہے۔ جو ماضی میں بھی ایران کے جنوب مشرقی علاقوں میں متعدد حملوں میں ملوث رہی ہے۔ سیکیورٹی فورسز نے علاقے کو گھیرے میں لے لیا ہے اور تحقیقات کا آغاز کر دیا گیا ہے۔
