نائیجیریا میں مسلح افراد کا مسجد پر حملہ، 15 نمازی شہید، متعدد زخمی

ابوجا: نائیجیریا میں مسلح افراد کے جتھے نے ایک مسجد میں داخل ہوکر اندھا دھند فائرنگ کردی جس کے نتیجے میں 15 نمازی شہید اور متعدد زخمی ہوگئے۔ واقعہ نائیجیریا کی شمال مغربی ریاست زمفرا کے علاقے رووان جیما ٹاؤن کی جامع مسجد میں پیش آیا۔ موٹر سائیکل سوار مسلح دہشتگردوں نے فائرنگ کردی۔ حملے سے افراتفری مچ گئی اور درجنوں افراد نے بھاگ کر اپنی جانیں بچائیں۔فائرنگ کے واقعے میں 15 نمازی شہید اور درجن سے زائد زخمی ہوگئے۔ مقامی افراد کا کہنا ہے کہ حملہ آور پیشہ ور ڈاکو تھے جنھیں اس شہر کے لوگوں کی جان بخشی کے لیے 21 ہزار بھتہ، پٹرول اور سگریٹ کے درجنوں پیکٹس بھی دیئے تھے۔عینی شاہدین نے الزام عائد کیا کہ ڈاکوؤں کو پولیس کی سرپرستی حاصل تھی وہ نصف گھنٹے تک خون کی ہولی کھیلتے رہے اور اطلاع دیئے جانے کے باوجود پولیس شہریوں کی مدد کو نہیں آئی۔