Raza Musani 
بغداد : صدر پارٹی کے سربراہ مقتدیٰ الصدر نے اپنے حامیوں کو اربعین مارچ میں پارٹی پرچموں، اسلحہ اور فوجی وردی کے بغیر شرکت کی ہدایت کردی، مقتدیٰ الصدر نے اپنے حامیوں کو دس نکاتی ہدایات جاری کی ہیں اس پر سختی سے عملدرآمد کا حکم دیا ہے۔ مقتدیٰ الصدر نے کہا ہے کہ اختلافات سے دور رہیں زائرین کا احترام کریں۔ سیاسی نعرے نہ لگائیں۔ غیر ملکی خاص طور پر ایرانی زائرین کا خیال رکھیں۔ سیکیورٹی فورسز سے مکمل تعاون کریں۔ انہوں نے کہا کہ جو کوئی بھی ان ہدایات پر عمل نہیں کرے گا ہم میں سے نہیں ہے اور اس کی ذمہ داری خود اسی پر ہوگی۔
