انصار اللہ کا جذبہ خیر سگالی، جارح اتحاد کے 40 جنگی قیدی اور 14 غیر ملکی رہا

صنعا : یمن کی مرکزی حکومت نے عیدالفطر کے پیش نظر جارح سعودی اتحاد کے 40 قیدی اور 14 غیر ملکیوں کو رہا کر دیا۔ جنگی قیدیوں کی قومی کمیٹی کے سربراہ عبدالقادر مرتضی نے کہا ہے کہ عیدالفطر کے پیش نظر انسانی قدم کے طور پر جنگی قیدیوں کو رہا کیا گیا ہے۔ امید ہے یہ اقدام جنگی قیدیوں کی رہائی سے متعلق مسئلے اور سمجھوتے پرعمل درآمد کے سلسلے میں موثر واقع ہوگا۔ ادھر عمان کی سفارتی کوششوں سے 14 غیرملکیوں کو بھی رہائی مل گئی ہے۔ رہا کئے گئے غیرملکیوں میں برطانوی شہری، اس کی بیوی اور بچہ،7 بھارتی جبکہ فلپائن، میانمار، انڈونیشیا اور ایتھوپیا کا ایک ایک شہری شامل ہے۔ ان سب کو صنعاء سے مسقط منتقل کردیا گیا ہے۔