انصار اللہ کے اسرائیل جانیوالے جہازوں پر حملوں سے امریکا اور اسرائیل کی نیندیں اڑ گئیں

صنعا: انصار اللہ کے اسرائیل جانیوالے جہازوں پر حملوں سے امریکہ اور اسرائیل کی نیندیں اڑ گئیں۔ امریکا نے نیول ٹاسک فورس کی تعیناتی پر مشاورت شروع کردی۔
امریکہ کے مشیر قومی سلامتی جیک سیلوان اسرائیل کے دورے سے قبل سعودی عرب پہنچے اور سعودی ولی عہد شہزادہ محمد بن سلمان سے اہم ملاقات کی جس میں امریکی میڈیا کے مطابق بحیرہ احمر میں تجارتی جہازوں کی سیکیورٹی یقینی بنانے پر بات ہوئی۔ امریکا نے موجوزہ نیول ٹاسک فورس کے تعیناتی پر سعودی ولی عہد سے مشاورت کی۔سعودی ولی عہد نے خطے میں امن کے لیے غزہ میں فوری جنگ بندی کا مطالبہ کیا۔
ایران نے نیول ٹاسک فورس کی تعینات کو احمقانہ اقدام قرار دے دیا ہے۔ ایرانی وزیر دفاع نے کہا ہے کہ امریکہ کی جانب سے ایسی کوئی بھی کوشش خطے کے لیے نقصان دہ ہوگئی۔ خطے میں کسی بیرونی قوت کی موجودگی سے امن و امان کے مسائل اور مشکلات بڑھ جائیں گی۔امریکہ اپنی احمقانہ روش تبدیل کرے اور خطے میں نیول ٹاسک فورس کی تعیناتی کے بجائے اسرائیل کو غزہ میں جنگ بندی پر مجبور کرے۔