Raza Musani 
غزہ : صیہونی فوج نے آج صبح پھر امداد کے متلاشیوں پر فائرنگ کرکے مزید دو فلسطینی شہید اور بانوے زخمی کردئے۔ چوبیس گھنٹوں میں شہادتیں ساٹھ ہوگئیں۔ صیہونی فوج نے رفح کے نزدیک بھوکے اور مظلوم فلسطینیوں کو اپنی درندگی کا نشانہ بنایا ۔ امدادی کیمپ کے اطراف فائرنگ سے اب تک ایک سو تیس فلسطینی شہید کئے جاچکے ہیں۔
ادھر صیہونی فوج نے محفوظ قرار دئے گئے علاقے المواصی میں خیموں پر بم گرادئے جس کے نتیجے میں سات فلسطینی شہید اور کئی زخمی ہوگئے۔ صیہونی فوج نے البریج۔ خان یونس۔ جبالیہ ۔ بیت لاہیہ سمیت مختلف علاقوں پر چوبیس گھنٹوں کے دوران کئے گئے فضائی اور زمینی حملوں میں مزید ساٹھ فلسطینی شہید کردئے۔
شہدا میں ایک صحافی اور تین امدادی کارکن بھی شامل ہیں۔ صیہونی فوج نے شمالی غزہ میں تمام مکانات اور رہائشی مقامات کو مکمل ملیامیٹ کردیا ہے اور پورا علاقہ ملبے کے ڈھیر میں تبدیل کردیا گیاہے۔
