Raza Musani 
واشنگٹن : امریکا نے اسرائیل کی مدد سے غزہ کو دو حصوں میں تقسیم کرنے کا منصوبہ بنالیا۔
امریکی اخبار وال اسٹریٹ جرنل کے مطابق یہ منصوبہ جنگ بندی معاہدے کے بعد سب سے اہم بعد از جنگ فریم ورک کے طور پر سامنے آیا ہے۔ تجویز کے مطابق غزہ کو اسرائیل اور حماس کے زیر انتظام دو علاقوں میں تقسیم کیا جائے گا۔ منصوبے کے تحت تعمیرِ نو صرف اسرائیل کے زیر قبضہ علاقے تک محدود رہے گی۔
رپورٹ کے مطابق یہ منصوبہ ایک عبوری ڈھانچے کے قیام کا تصور دیتا ہے جو علاقے کے ایک حصے کو مستحکم کرنے کے لیے بنایا جائے گا، جب تک کہ حماس کے غیر مسلح کرنے اور عبوری انتظامیہ کے قیام پر اتفاق نہیں ہو جاتا۔ عرب ثالثوں نے اس تجویز پر شدید تحفظات کا اظہار کیا ہے۔
