Raza Musani 
بیروت : حماس نے یرغمالیوں کی رہائی کیلئے بات چیت کی تصدیق کرتے ہوئے کہاہےکہ سیکیورٹی صورتحال بہتر ہونے پر غیر ملکی یرغمالیوں کو رہا کرنے پر تیار ہیں۔ بیروت میں حماس رہنما اسامہ حمدان اور دیگر رہنماؤں نے نیوز کانفرنس میں کہا کہ یرغمالیوں سے متعلق حماس اور اسرائیل کے درمیان ثالثوں کے ذریعے بات چیت ہو رہی ہے۔ اسرائیلی وزیراعظم کو حماس کی قید میں موجود فوجیوں کی قیمت چکانا پڑے گی۔ موجودہ صورتحال یرغمالیوں کی رہائی کے لیے کسی بھی صورت میں سازگار نہیں۔ حماس رہنماؤں نے کہا کہ غزہ کی پٹی میں تمام اسپتالوں میں فلسطینی جنگجوؤں کی موجودگی میں حقیقت نہیں۔ بین الاقوامی اداروں کے نمائندے اسپتالوں میں جاکر خود تصدیق کرسکتے ہیں۔ حماس رہنماؤں نے کہا کہ امریکا غزہ کی پٹی پر اپنی اجارہ داری قائم کرنے کا منصوبہ روک دے۔ اس سے پہلے حماس کے القسام بریگیڈ کے ترجمان ابو عبیدہ نے کہا تھا کہ قیدیوں کا تبادلہ حماس کی اولین ترجیح ہے۔ اسرائیل اپنے قیدیوں کی رہائی چاہتا ہے تو قیدیوں کا مکمل یا مرحلہ وار تبادلہ کرنا ہوگا۔
