Raza Musani 
بیروت : حماس کے سربراہ اسماعیل ہنیہ نے طوفان الاقصی آپریشن کو عربوں کی پوزیشن مضبوط کرنے کیلئے بہترین اسٹریٹجک موقع قرار دیا ہے۔ بیروت میں عرب قومی سلامتی کانفرنس سے خطاب میں اسماعیل ہنیہ نے عرب عوام کو متحرک کرنے پر زور دیا ہے کہ تاکہ اسرائیلی دشمن کیخلاف مزاحمت میں انہیں شریک کیا جاسکے۔ ہنیہ نے کہا کہ انہوں نے جاری تنازعات سے متعلق تمام شعبوں میں ایک مربوط لائحہ عمل تیار کیا ہے۔ یہ لائحہ عمل اس بنیاد پر تیار کیا گیاہے کہ کہ سات اکتوبر کے بعد کا مرحلہ اس سے مختلف ہوگا۔ ہنیہ نے کہا کہ طوفان الاقصیٰ نے مسئلہ فلسطین کو عالمی سطح پر بے مثال سطح پر پہنچا دیا ہے اور فلسطینی عوام کے حقوق کو تسلیم کرنے کا دروازہ کھول دیا۔ ہنیہ نے کہا کہ سب سے اہم حق فلسطینیوں کا اپنی سرزمین پر اپنی ریاست کا حق ہے جس کے حصول کیلئے تمام سفارتی اور سیاسی کوششیں ناکام رہی ہیں۔ اسماعیل ہنیہ نے کہا کہ طوفان الاقصیٰ آپریشن نے قابض قوت کی علاقے کے پولیس اہلکار کے طور پر اسٹریٹجک قدر کو دھچکا دیا اور اسے اس ڈیٹرنس سے محروم کر دیا جس پر اسے فخر تھا۔
