اسرائیل کے مغربی کنارے کے پناہ گزینوں پر بھی فضائی حملے، 18 افراد شہید

نابلس: صیہونی فوج نے مغربی کنارے میں بھی فضائی حملے شروع کردئے۔ جنین پناہ گزین پر بمباری سے 13 فلسطینی شہید ہوگئے۔ صیہونی جنگی طیاروں نے جنین پناہ گزین پر بم برسادئے۔ مسجد کو بھی نشانہ بنایا۔ حملے میں پانچ بچوں سمیت 13 افراد شہید اور کئی زخمی ہوگئے۔ صیہونی فوج ایک بار پھر مغربی کنارے میں گھس گئی اور سرچ آپریشن کی آڑ میں قتل عام کیا۔ فوجیوں نے جنین، قباطیہ،تمون اور نابلوس میں فلسطینیوں کو نشانہ بنایا۔ فائرنگ سے پانچ فلسطینی شہید ہوگئے۔ مغربی کنارے میں سات اکتوبر کے بعد شہدا کی تعداد 90 تک جاپہنچی ہے۔