Raza Musani 
راولپنڈی : پاکستانی فوج کے افغان سرزمین پر فضائی حملوں میں پچیس سے تیس افراد ہلاک اور کئی زخمی ہوگئے۔ پاکستان کے سیکیورٹی حکام نے کہاہے کہ لڑاکا طیاروں نے افغانستان کے مشرقی صوبہ پکتیکا اور خوست میں کالعدم تحریک طالبان پاکستان (ٹی ٹی پی) کے چار مبینہ کیمپوں اور تربیتی مراکز پر بمباری کی۔ جس میں کئی مشتبہ دہشت گرد ہلاک اور زخمی ہوگئے۔ پاکستانی سیکیورٹی حکام کے بیان کے مطابق حملے کے وقت بھی کیمپوں میں بڑی تعداد میں عسکریت پسند، خود کش بمبار، کئی اہم کمانڈر اور بھاری مقدار میں بارود موجود تھا۔
افغان وزارت دفاع نے پاکستانی فوج کی کارروائی کو وحشیانہ حملہ قرار دیتے ہوئے مذمت کی ہے اور کہاہےکہ پاک فوج نے پکتیکا میں بمباری کی ہے جو تمام بین الاقوامی اصولوں کی خلاف ورزی اور صریح جارحیت ہے۔ طالبان وزارت دفاع کے مطابق حملے میں عام لوگوں کو نشانہ بنایا گیا جو وزیرستانی مہاجرین ہیں۔ اور جن افراد کو ٹارگٹ کیا گیا ان میں بچے بھی شامل ہیں۔
