غزہ میں جارحیت جاری، مزید 200 شہید، بےرحم اسرائیلی اسنائپرز نے حاملہ خواتین کو بھی نہیں بخشا

غزہ: غزہ میں اسرائیل کی جارحیت 65 ویں روز بھی جاری ہے۔ تازہ حملوں میں مزید دوسو افراد شہید ہوگئے۔
خان یونس میں اسرائیلی فضائیہ نے لگاتار دو حملے کئے پہلے حملے میں ایک عمارت نشانہ بنی جس میں ساٹھ افراد شہید ہوئے۔ جبکہ دوسرے حملے میں مکان تباہ ہوگیا اور دس افراد جان کی بازی ہار گئے۔
یورپین اسپتال غزہ میں اسرائیلی اسنائپرز نے حاملہ خواتین کو نشانہ بنایا جس میں سات خواتین شہید ہوگئیں۔ جنوبی غزہ میں اسکول میں پناہ لینے والے 57 افراد کو شہید کردیا گیا۔
پینسٹھ روز سے جاری جنگ میں اب تک اٹھارہ ہزار سے زائد فلسطینی شہید اور تیس ہزار سے زائد زخمی ہوچکے ہیں۔ جن میں بارہ ہزار بچے شامل ہیں۔ فلسطینی محکمہ صحت کے مطابق شہادتیں اور زخمیوں کی تعداد اس سے کہیں زیادہ ہو سکتی ہے۔