Raza Musani 
منیٰ : لاکھوں حجاج کرام نے منیٰ پہنچ کر بڑے شیطان کو کنکریاں ماریں۔حجاج نے بال کٹوانے اور قربانی کے بعد احرام کھول دئے۔حجاج کرام نماز فجر کے بعد مزدلفہ سے روانہ ہوکر منیٰ پہنچے تھے۔جہاں خیمہ بستی دوبارہ آباد ہوگئی ہے۔ حجاج یہاں تین دن قیام کریں گے اور چھوٹے شیطانوں کو کنکریاں مارنے کا عمل جاری رہے گا۔ حجاج کرام بیت اللہ کا طواف اور صفا و مروہ کے درمیان سعی بھی انجام دیں گے۔
ادھر ایران، سعودی عرب، عرب امارات اور دیگر خلیجی ممالک میں عیدالاضحیٰ مذہبی عقیدت و احترام کے ساتھ منائی جا رہی ہے۔ مکہ کی مسجد الحرام اور مدینہ کی مسجد نبوی ص میں نمازِ عید کے روح پرور اجتماعات منعقد ہوئے۔ جس میں لاکھوں افراد نے نماز عید ادا کی۔ پاکستان اور ہندوستان دیگر ممالک میں کل عید ہوگی۔
