افغانستان اس وقت معاشی تباہی کے دہانے پہ کھڑا ہے، پاکستان

نیویارک : پاکستان نے ایک بار پھر افغانستان کی صورتحال پر تشویش کا اظہار کردیا۔ اقوامُ متحدہ میں مستقل سفیر منیر اکرم نے کہا کہ افغانستان اس وقت معاشی تباہی کے دہانے پہ کھڑا ہے۔ 20ملین افراد کو غذائی قلت کا سامنا ہے۔ موسم سرما کے دوران غذائی قلت میں اضافہ تباہ کن ثابت ہوسکتا ہے۔ اقوام متحدہ کی امداد ناکافی ہے-فوری طور پر انسانی المیہ سے بچنے کے لئے فوری اقدامات کی ضرورت ہے۔ نقد رقوم اور غذائی اور طبی آلات کی غیر مشروط فراہمی کو یقینی بنانا ہو گا۔ منیراکرم نے کہا کہ طالبان حکومت بین الاقوامی برادری کے ساتھ بھر پور تعاون کر رہی ہے۔ سیاسی مراعات حآصل کرنے کے لئے امداد روکنا بین الا قوامی قوانین کی خلاف ورزی ہی- داعش جیسی دہشت گرد تنظیمیں ان حالات کا فائدہ اٹھانے میں کامیاب ہو سکتی ہیں۔