Raza Musani 
کابل : طالبان نے افغانستان میں اقوام متحدہ کے مشن کی تین خواتین افغان ملازمین کو حراست میں لے کر رہا کردیا۔ اقوام متحدہ کے ادارے نے بتایا کہ قندھار میں مسلح سیکیورٹی ایجنٹوں نے خواتین کو اکٹھا کیا اور پوچھ گچھ کے لیے حراست میں لے لیا۔ جنہیں بعد میں رہا کردیا گیا۔ اقوام متحدہ نے اپنے افغان خواتین عملے کو نشانہ بنانے، ڈرانے دھمکانے اور ہراساں کرنے کی ایسی تمام کارروائیوں کو فوری طور پر بند کرنے کا مطالبہ کیا ہے۔ اقوام متحدہ نے کہا ہے کہ طالبان اقوام متحدہ کے تمام اہلکاروں کی حفاظت اور سلامتی کے لیے واضح ضمانتوں کا اعادہ کریں اور ان کو نافذ کریں۔
