جدید میزائل اور ڈرونز ایرانی بحریہ کے حوالے

تہران: خطے میں جنگ کے بال مزید گہرے ہوگئے۔ جدید میزائل اور ڈرونز کو ایرانی بحریہ کے حوالے کردیا گیا۔ جبکہ ایران نے آبنائے ہُرمز میں امریکی جنگی جہازوں کی نگرانی کی فوٹیج جاری کردی۔ ایران میں ایک خصوصی تقریب کے دوران جدید میزائل ۔ ڈرونز اور دیگر دفاعی آلات کی کھیپ پاسداران انقلاب اسلامی کی بحریہ کے حوالے کردی گئی۔ میزائلوں میں کروز میزائل شامل ہیں جو جنگی جہازوں کو پل بھر میں سمندر میں غرق کرسکتے ہیں۔ الیکٹرونک وارفئیر سسٹم اور ریڈار نظام بھی بحریہ کے حوالے کیا گیا۔ ایران نے آبنائے ہُرمز میں امریکی جنگی جہازوں کی نگرانی کی فوٹیج جاری کردی۔ یہ وڈیو چار مضبوط ڈرون اسکواڈرن کے ذریعے ریکارڈ کی گئی ہے۔