Raza Musani 
غزہ : صیہونی فوجیوں نے اعتراف کیا ہے کہ غزہ میں جاری جنگ کے دوران فلسطینیوں کو باقاعدہ منصوبہ بندی کے تحت انسانی ڈھال کے طور پر استعمال کیا گیا۔ امریکی نیوز ایجنسی اے پی کے مطابق سات فلسطینیوں نے غزہ اور مقبوضہ مغربی کنارے دونوں میں انسانی ڈھال کے طور پر استعمال ہونے کی تصدیق کی۔ فلسطینیوں نے نیوز ایجنسی کو بتایا کہ صیہونی فوجی زبردستی عمارتوں اور سرنگوں میں داخل ہونے پر مجبور کرتے ہیں تاکہ وہ دھماکا خیز مواد یا مسلح افراد کی موجودگی کی تصدیق کریں۔ ان کا کہنا تھا کہ یہ خطرناک پریکٹس پچھلے بیس ماہ سے جاری جنگ کے دوران عام ہو چکی ہے۔ اس طریقہ کار کو مچھر پروٹوکول کا نام دیا گیاہے ایک سینئر فوجی افسر نے گزشتہ ماہ اسرائیلی اخبار کو بتایا تھا کہ انسانی ڈھال کا استعمال دن میں کم از کم چھ بار کیا جا رہا ہے۔ اسرائیلی فوج نے کہا کہ معاملے کی تحقیقات کی جارہی ہے۔
