Raza Musani 
جنیوا : سوئٹزرلینڈ نے اسرائیلی اور امریکی سرپرستی میں بنائی گئی متنازع ترین غزہ ہیومینٹیرین فاؤنڈیشن کے جنیوا دفتر کو بند کرنے کی کارروائی شروع کردی۔ سوئس فیڈرل سپروائزری اتھارٹی فار انٹرپرائزز نے رائٹرز نیوز ایجنسی کو بتایا کہ غزہ ہیومینٹیرین فاؤنڈیشن بعض قانونی تقاضوں کو پورا کرنے میں ناکام رہی ہے۔ ان قانونی تقاضوں میں بورڈ کے اراکین کی صحیح تعداد، ڈاک کا پتہ، یا سوئس بینک اکاؤنٹ سے متعلق امور شامل ہیں۔ اتھارٹی نے ایک بیان میں کہا کہ غزہ ہیومینٹیرین فاؤنڈیشن نے فیڈرل سپروائزری اتھارٹی کو تصدیق کی ہے کہ اس نے سوئٹزرلینڈ میں کبھی کوئی سرگرمی نہیں کی ہے اور وہ جنیوا میں رجسٹرڈ برانچ کو تحلیل کرنے کا ارادہ رکھتی ہے۔
جنیوا میں حکام نے گزشتہ ہفتے غزہ ہیومینٹیرین فاؤنڈیشن کو ایک علیحدہ قانونی نوٹس جاری کیا تھا جس میں اسے 30 دنوں کے اندر "تنظیمی کوتاہیوں” کو دور کرنے یا ممکنہ قانونی کارروائی کا سامنا کرنے کا حکم دیا تھا۔
