شدت پسندی پھیلانے کا الزام، فرانس میں 30 مساجد اور کئی اداروں کو بند کردیا گیا

پیرس : فرانس میں شدت پسندی پھیلانے کے الزام میں 30 مساجد اور کئی اداروں کو بند کردیا گیا۔ فرانسیسی وزیر داخلہ جیرالڈ ڈارمنین نے کہا کہ مسلمانوں اور ان کی عبادت گاہوں کے خلاف جاری مہم کے دوران نومبر 2020 سے معائنہ شدہ 89 مساجد میں سے ایک تہائی کو بند کر دیا ہے۔ علیحدگی پسندی کا قانون نافذ ہونے سے ملک میں انتہا پسندوں کے 650 مبینہ ٹھکانوں کو بند کیا، پولیس نے 24 ہزار مقامات کا معائنہ کیا تھا۔ انہوں نے کہا کہ سیاسی اسلام پھیلانے والی 5 تنظیموں کو بھی بند کردیا گیا ہے۔ مزید 5 تنظیمیں بند ہوں گی ، 205 تنظیموں کے بینک اکاؤنٹس ضبط کر لیے گئے ہیں اور دو اماموں کو نکال دیا گیا۔