گندم سبسڈی کا خاتمہ، انجمن امامیہ کا تحریک کی مکمل حمایت کا اعلان

اسکردو: انجمن امامیہ بلتستان نے عوامی ایکشن کمیٹی کی تحریک کی مکمل حمایت کا اعلان کیا یے۔ انجمن امامیہ بلتستان کی کابینہ کا ہنگامی اجلاس زیر صدارت صدر انجمن امامیہ بلتستان حجت الاسلام و المسلمین علامہ سید باقر حسین الحسینی منعقد ہوا۔ اجلاس میں اس بات کا اعادہ کیا گیا کہ انجمن امامیہ اسکردو گندم سبسڈی کے معاملے میں رابطہ کمیٹی کے فیصلوں کی بھرپور حمایت کرتی ہے۔ اور اس عوامی ایشو کو حل کرنے میں رابطہ کمیٹی کے ساتھ بھرپور تعاون کرے گی۔ اس سے پہلے عوامی ایکشن کمیٹی گلگت بلتستان اور انجمن تاجران نے گندم قیمت میں اضافے اور سبسڈی کے خاتمے کیخلاف گلگت بلتستان بھر میں تحریک چلانے کا اعلان کیا۔ مشترکہ اجلاس میں فیصلہ کیا گیا کہ سبسڈی کے خاتمے کیخلاف حکومت مخالف تحریک کو گاؤں سطح پر پھیلایا جائے گا۔