صیہونیوں میں خوف کی لہر، 5 لاکھ اسرائیل سے فرار

تل ابیب: طوفان الاقصٰی صیہونیوں کیلئے سونامی سے زیادہ خوفناک ثابت ہوا۔ پانچ لاکھ صیہونی اسرائیل سے فرار ہوگئے۔ اسرائیل کی پاپولیشن اینڈ امیگریشن اتھارٹی کے مطابق سات اکتوبر کے بعد چار لاکھ 70 ہزار اسرائیلی ملک چھوڑ گئے۔ جن کی واپسی کا کوئی امکان نہیں۔ تل ابیب اور بین گورین ایئر پورٹ پر بیرون ملک جانے والوں کی قطاریں لگ گئیں۔ رپورٹ کے مطابق اعداد وشمار میں غیر ملکی مزدور۔ پیشہ ور ماہرین، پناہ گزین اور سفارت کار شامل نہیں ہیں اگر ان کو بھی شامل کیا جائے تو اسرائیل چھوڑنے والوں کی تعداد بہت بڑھ جائے گی۔
طوفان الاقصٰی سے اسرائیلی معیشت کو بھی شدید جھٹکا لگا ہے۔ مرکزی ادارہ شماریات کے مطابق ہر تین میں سے ایک کاروبار بند ہو چکا ہے۔ نصف سے زیادہ کاروباری اداروں کی آمدنی نصف رہ گئی ہے۔