یوکرین کو جھٹکا، امریکا اور جرمنی کا جنگی جہاز فراہم کرنے سے انکار

واشنگٹن : امریکا نے مسلسل تقاضے کے باوجود یوکرین کو ایف 16 جنگی جہاز فراہم کرنے سے انکار کردیا ہے۔ اتحادی ممالک یوکرین کی جانب سےجدید لڑاکا طیاروں کی فراہمی کےمطالبے پر منقسم ہیں۔ فرانس اور پولینڈ نے یوکرین کو جدید طیاروں کی فراہمی پر آمادگی کا اظہار کیا ہے لیکن امریکا یوکرین کی درخواست ماننے کے لیے تیار نہیں۔ وائٹ ہاؤس میں نیوز بریفنگ کے دوران یوکرین کو جنگی جہاز دینے کےسوال پرصدر جوبائیڈن نے ناں کہہ کر بات ختم کردی۔ جرمن چانسلر اولاف شولز بھی لڑاکا طیارے بھیجنے کے مخالف ہیں۔انہوں نے کہاکہ اس معاملے میں بحث ضروری ہے۔ ادھر یوکرینی وزیر دفاع اولیکسی ریزنکوف پیرس پہنچ گئے ہیں وہ فرانسیسی حکام سے ملاقات کرکے جدید ہتھیاروں کی فراہمی پر بات کریں گے۔