فائرنگ سے ایک فلسطینی شہید، 6 لہولہان، صیہونی باپ بیٹا بھی زخمی

یروشلم: مقبوضہ مشرقی یروشلم میں فائرنگ کی ایک اور کارروائی میں دو صیہونی زخمی ہو گئے ہیں۔ فائرنگ کا واقعہ قدیم یروشلم کے علاقے سلوان میں پیش آیا۔ زخمیوں میں 47 سالہ باپ اور اس کا 23 سالہ بیٹا شامل ہیں۔ دونوں کی حالت تشویشناک بتائی جاتی ہے۔ اُدھر اسرائیلی فوجیوں کی فائرنگ سے ایک لڑکا شہید اور 6 فلسطینی زخمی ہوئے۔ مشرقی یروشلم کے محلے سلوان میں جھڑپوں کےدوران زخمی 16سالہ ودی ابو رومض جام شہادت نوش کرگیا۔ بیت لحم میں واقع عدہ پناہ گزین کیمپ میں فائرنگ سے ایک بچہ زخمی ہوا۔ نابلس کے جنوبی گاؤں بیتا کے داخلی دروازےکے قریب اسرائیلی فوج کی فائرنگ سے 5 فلسطینی زخمی ہوئے۔