Raza Musani 
غزہ: حماس اور اسرائیل نے جنگ بندی ختم ہونے سے چند لمحے پہلے ایک دن توسیع پر اتفاق کرلیا۔ اسرائیل نے کہا ہے کہ یرغمالیوں کی رہائی کاعمل جاری رکھنے اور فریم ورک کی شرائط کے تحت ثالثوں کی کوششوں کی روشنی میں جنگ میں وقفہ جاری رہے گا۔ حماس نے تصدیق کی ہے کہ جنگ بندی کو ساتویں دن تک بڑھانے کا معاہدہ ہوا ہے۔
اس سے پہلے اسرائیل اور حماس کے درمیان جنگ بندی کے تحت فریقین نے قیدیوں کو چھٹی بار رہا کیا۔ چھٹے مرحلے میں حماس نے دس اسرائیلیوں جبکہ اسرائیل نے تیس فلسطینی خواتین اور بچوں کو رہا کردیا.
حماس نے چار تھائی اور دو روسی شہریوں کو جذبہ خیرسگالی کے تحت رہا کردیا۔ یرغمالیوں کو ریڈ کراس کے حوالے کیا گیا۔ انہیں رفح کراسنگ سے مصر اور پھر اسرائیل لے جایا گیا۔ جنگ بندی کے پانچ دنوں میں 60 اسرائیلیوں اور 180 فلسطینیوں کو رہائی ملی ہے۔
