Raza Musani 
غزہ : جنگ بندی کے باوجود صیہونی فوج نے حملے کرکے نو فلسطینی شہید کردئے۔ حماس نے چار مغویوں کی لاشیں بھی بین الاقوامی ریڈ کراس کمیٹی کے ذریعے اسرائیلی حکام کے حوالے کر دیں۔
اسرائیلی فوج نے جنگ بندی کے باوجود غزہ اور مغربی کنارے میں کارروائیاں جاری رکھی ہوئی ہیں۔ صیہونی فوج نے غزہ سٹی کے مشرقی علاقے الشجاعیہ میں ڈرون حملہ کیا جس میں چار فلسطینی ہوگئے۔ متاثرہ فلسطینیوں کو اس وقت نشانہ بنایا گیا جب وہ اپنے تباہ شدہ گھروں کا معائنہ کر رہے تھے۔ جنوبی خان یونس میں ڈرون حملوں میں زخمی ہونے والے دو مزید فلسطینی دم توڑ گئے۔ جنگ بندی کے بعد سے نو فلسطینی شہید کئے جاچکے ہیں۔
ہزاروں لاشیں اب بھی ملبے تلے دبی ہوئی ہیں یا سڑکوں پر پڑی ہیں۔ ادھر حماس نے چار مغویوں کی لاشیں بھی اسرائیلی حکام کے حوالے کردیں۔
