Raza Musani 
غزہ : غزہ میں صیہونی فوج کے رات سے جاری حملوں میں امداد کے منتظر بائیس فلسطینی سمیت 73 فلسطینی شہید اور سینکڑوں زخمی ہوگئے۔ جبکہ بھوک کی شدت سے مزید چار فلسطینی دم توڑ گئے۔
صیہونی فوج نے غزہ سٹی میں اپنے حملوں میں اضافہ کردیا ہے۔ ایک مکان پر بمباری سے سات فلسطینی شہید اور سولہ زخمی ہوگئے۔ جبکہ ایک اور حملے میں بارہ فلسطینیوں کی جان گئی۔ خان یونس پر حملے میں پانچ افراد شہید ہوئے۔ دیرالبلاح پر حملے میں سات فلسطینی شہید اور بارہ زخمی ہوگئے. صیہونی فوج نے المواسی میں خیمے کو ڈرون حملے کو نشانہ بنایا۔ جس کے نتیجے میں چار افراد شہید کردئے گئے.
صیہونی فوج نے دیر البلاح۔ جبالیہ اور دیگر علاقوں پر بھی حملے کئے گئے جس میں کئی قیمتی جانیں ضائع ہوئیں. امدادی مراکز پر حملوں میں مزید بائیس شہادتوں سے مجموعی تعداد سولہ سو پچپن ہوگئی۔ جبکہ گیارہ ہزار آٹھ سو زخمی ہوچکے ہیں۔
