24 گھنٹوں میں مزید 70 فلسطینی شہید، امداد کے منتظر 37 افراد شامل

غزہ : صیہونی فوج نے غزہ جنگ میں نام نہاد وقفے کے باجود وحشیانہ کارروائیوں کا سلسلہ جاری رکھا ہوا ہے۔ چوبیس گھنٹوں میں بمباری اور فائرنگ سے سینتیس امداد کے متلاشیوں سمیت ستر سے زائد فلسطینی شہید اور درجنوں زخمی کردئے۔
صیہونی فوج نے خوراک کی امداد کے انتظار میں شہریوں کے گروپوں کو مختلف مقامات پر نشانہ بنایا۔ خان یونس کے قریب سات۔ نیٹزارم کوریڈور کے قریب انیس۔ رفح کے قریب گیارہ فلسطینی شہید کئے گئے۔ صیہونی فوج نے خان یونس کے جنوب میں ایک مکان پر بمباری کی جس سے ایک ہی گھر سات افراد شہید ہوگئے۔ خان یونس میں مختلف مقامات پر خیموں پر حملوں تیرا فلسطینی شہید اور دیگر زخمی ہوئے۔
بدترین فاقہ کے باوجود صیہونی فوج نے گذشتہ روز صرف چونتیس ٹرکوں کو غزہ میں داخل ہونے کی اجازت دی۔ جنہیں بھی لوٹ لیا گیا۔ بھوک کی شدت سے مزید دو بچوں سمیت چھ فلسطینی شہید ہوگئے۔ شہدا کی مجموعی تعداد ترانوے بچوں سمیت ایک سو پچھتر ہوگئی۔