Raza Musani 
پشاور: لوئر دیر کے علاقے میدان سر بانڈہ میں دہشت گردوں کے حملے میں سات ایف سی اہلکار شہید اور تیرا زخمی ہوگئے۔ لوئردیر میں سرچ اینڈ اسٹرائیک آپریشن کے دوران شدت پسندوں نے مورچے بنا کر سیکیورٹی قافلے پر فائرنگ کی۔ زخمیوں کو پہلے لال قلعہ اسپتال اور بعد میں ڈسٹرکٹ ہیڈکوارٹرز اسپتال تیمرگرہ منتقل کیا گیا۔ حملے کے بعد شدت پسندوں اور فوجی جوانوں میں شدید جھڑپیں ہوئیں۔ فوج نے دعویٰ کیا کہ شدت پسندوں کو بھاری نقصان پہنچایا گیا ہے، تاہم اس بارے میں فوری طور پر کوئی تفصیل فراہم نہیں کی گئی۔ پولیس حکام کے مطابق پولیس، ایلیٹ فورس اور دیر اسکاؤٹس کی بھاری نفری علاقے میں موجود رہی اور آپریشن جاری رہا۔
